#話咁快幼稚園畢業 #畢業相篇
可能好多人都發現，嶠媽呢排真係好少 update 呢個專頁，我唔係放棄佢呀！只係復課後真係好忙好忙，芊嶠功課要忙，劻霖功課又要忙🥺仲有嘅係，嶠媽又成日搵自己嘅 #metime💕 ！不過我成日都話，再忙都好，朋友係要見面嘅🥰
好朋友就係要一齊長大，一齊過生日，一齊笑一齊喊一齊經歷唔同階段！我好慶幸我女係幾年前識咗位好朋友，變成今日嘅閨蜜👭🏻，呢對小閨蜜同年出生，相差半年，但一凹一凸嘅性格，閒時糖黐豆，閒時水溝油，最重要係兩位媽媽成日為佢哋營造好多相處時刻！
疫情 K2 停課半年，K3 返得幾個月，跟住就話要畢業9月升小學！輕輕鬆鬆嘅幼稚園生活話咁快就嚟到尾聲，都咪話唔捨得 (其實係媽媽想繼續懶落去😂)。雖然兩位小閨蜜唔係讀同一間幼稚園，但我覺得唔同校服嘅畢業相，一樣咁有意義，邊個話畢業相只可以同同學影？同閨蜜一齊影都🉐！
而我哋今次就搵咗 Je Reve Photography 幫兩位小閨蜜影畢業相🎓，仲揀咗個超特別嘅地方影，就係香港鐵路博物館啦🚞！呢個地方嶠媽真係嚟過好多次，都見過好多大學畢業生嚟影畢業相，所以今次去呢到影係想特別啲！影畢業相都唔一定係要去海濱公園影嘅😚
🌟畢業袍要自己準備，我哋都係淘x買！
🌟影相 props 都係淘x買落嚟，黑版仔咁靚嘅字係嶠媽寫嘅 (係都要讚自己😂)。
#芊嶠K3畢業 #畢業相拍攝 #k3畢業相 #k3畢業了 #我們畢業了 #我要畢業了 #我要升做小學雞 #小閨蜜畢業照 #不同校服的畢業照
Search